Po les Bordjeux qui compûrdè co l’Wallon.

E djif rappelle qui po les cis qui n’ont rin compris

on frè dir one messe sèmdi.

Par André Pecquet ,
reproduit avec son aimable autorisation

T’è rapinse-tu co fré Leyon.

One vî berwète , on vî bignon 

on tchâpè d’teuye ou on chignon 

en France y n’yaveu des Bourguignons 

on tchin so l’huche dol mohon 

po s’porminé on vî bordon 

on tchèrio d’bwès è on ronçin

Francwès aveu one fotche è s’mwin

on n’èsteu nin tortos malins

min c’è veur qu’on s’âmeuve bin  

po allé riqwèrï les strins

awais valèt fré Leyon 

din les p’tites cinses on z’aveu bon 

ça sintève l’encine è les flattes

les vèhins fèsin l’acrobate 

nosse mère cûeux co ses pwins

on fèseu li bouyelle à l’mwin

min les d’jous d’fièsse c’èsteu fèstin

è al kermesse à Nâdrin 

on rèscontréve totes sort di d’jins

è dire qu’y l’grand mère Mawet 

èsteu fïr di siervî l’pèkèt

on n’d’jaseu nin co do corona

on magnève co des colorâs

din nosse câve y n’yaveu des rats 

min on n’vèyhiève wé d’scélèrâs

les voyes èstin on pô pu sûres 

qwand m’ame fèseu des confitûres.

André Pecquet